بسم الله الرحمن الرحيم
السلام عليكم ورحمة الله وبركاته
ياجماااعه الموضوع جدي وخطير وارجو الاهتمام
ايه آخر حاجة ممكن يشوفها الصرصور؟!
هيا لا مؤاخذة جزمة 45 اكرمكم الله
ليه بنتعامل مع الصراصير بالوحشية دي والعنجهية ..مفيش اسلوب تاني ارقى وافضل نتعامل بيه مع المخلوقات الضعيفة دي؟!
ليه منتعاملش معاهم بلغة العصر ..لغة الحوار والتفاوض ليه نروح ننط على آخر حل وهو القتل والدمار ..مع ان هناك في حلول سلمية وممكن نتبعها وبالتالي تلاقي الخساير في الابدان والارواح ..يعني هو ممكن تستغربو من اقتراحي دا ودي حريه ليكم عادي يعني بس ليه منجرب لغه الحوار والتفاوض مرة مع الصراصير وبالنهايه انت صاحب القرار وانت صاحب الشان في انك تعمل القرار دا او لاء
اممممممممم عشان اقرب ليكم الصورة اكتر واكتر تعالو نفترض انه في يوم من الايام شفت صرصار داخل بيتك ..خليك هادي كدا ومتندفعش...تمالك اعصابك قد ما تقدر ..وقفه ...بعدين سلم عليه ( صباح الخير ازيك ...الخ ) بعدين بينله انه دخوله لبيتك يعتبر مخالف لقوانين مجلس الامن الدولي .. وان اللي عمله دا يعتبر خرقا للمادة 20 من نظام حدود المنازل واستقلاليتها ..طبعاا اذا كان دا الصرصور واعي ومسالم ومدرك ان دخوله لبيتك غير مشروع فهوا علطول هبعتذرلك وينسحب بهدوء وبدون شوشره هيخرج من بيتك ..بدون ما تحصل اي خساير مادية او حشرية وبكدا انت انتصرت عليه باسلوب حضاري وسليم
لكن في بعض الاحيان ممكن تحصل بعض العقبات للاسلوب دا ودا بيحصل لما تيجي مثلا تكلم الصراصير الجاهلة او العنيدة او اللي ممكن تبقى شايفه انها ليها الحق في انها تدخل بيتك وتتمشى وتتمخطر فيه بدون ما تعمل لحضرتك اي اعتبار وان اي تعدي عليها يعتبر تعدي على مملكة الصراصير بالكامل وبتتهم اي حد يجرأ على محاربتها وسحقها بالجزم بالارهاب والتطرف !! وطبعا الفئه دي من الصراصير مينفعش ابدا معاها الحوار ولا التفاوض لاء وايه كمان ..هتتفاجأ انك لما تحاول توقف واحد منهم عشان تتفاوض وتتحاور معاه بانه منفضلك ع الاخر ومصدرلك الطرشة تمااام ومش مهتم يعني بكلامك وهيكمل في طريقه وكأنه ما شايفك طول بعرض واقف جنبه ....في الحالة دي باه بعيد وبكرر تمالك نفسك ...متلجأش لاستخدام المفاعل النعلوي مهما حصل ..وافتكر انك تملك العقل وممكن تنهي الموضوع بالتي هيا أحسن بس ممكن تستخدم شئ من القوة ..حط ايدك على كتفه الشمال ولفه كدا بقوة عشان يبقى وشه فوشك وبعد كدا هدده باستخدام المفاعل النعلوي لو نفضلك ومسمعش كلامك وتحذيرك ..اكيد ساعتها هيضطر آسفا انه يسمعك ..كرها اخاك لا بطل بعد كدا باه تبينله انه دخلوه لبيتك يعتبر مخالفا لقوانين مجلس الامن الدولي وان دا يعتبر خرقا للمادة 20 من نظام حدود المنازل واستقلاليتها!
ساعتها باه متستغربش ..عارف رده هيكون ايه؟..هيقولك ان هو صاحب الحق في البيت دا! وانه ورث الارض دي ابا عن جد وانه المفروض انت اللي تحترم قوانين مجلس الامن الدولي وبالتالي تاخد بعضك وعلى بره ...اممممممممم تقريبا كدا الموضوع وسع شويه ..وحصلت حاجات مكنتش في الحسبان ..لكن هعيد واكرر مع كل اللي بيحصل دا تمالك نفسك وكمل معاه سياسة الحوار والتفاوض عشان توصلو لحل نهائي يرضي جميع الاطراف ..وخليك فاكر ان عندك مفاعل نعلوي البني آدمين نفسهم بيخافو منه فما بالك بالصراصير ..في الحاله دي اطلب من الصرصور انكو تعملو مباراة ..امممممم في المصارعة مثلا واللي هيخسر يسيب البيت بعد ما تخلص المباره فورا ...بالتاكيد الصرصور الغبي دا هيوافق على الطلب ازاي يرفض وهو شايفك بأم عينه لابس جزمة من المقاس اللي لا بيغلط ولا يرحم ..بس هو ممكن يطلب منك ان يحكم المباراة حكم محايد ودا طبعا من حقه ومهما كان الحكم فانت فايز ياعم في الاخر نظرا للفرق الكبير في الحجم والعقل بينك وبينه ..بدون اي تردد وافق علطول
معلش انا طولت بالموضوع بس اللي جايه دي اخر حته ..داخلين على المباره علطول اهو ..الحكم ساعتها هيعلن بدء المباراة ..قرب للصرصور بسرعه قبل ما يهرب منك برا الحلبة .. وعلطول اخطفلك بوكس في بطنه من تحت هتلاقيه علطول راح موطي عشان معدته وجعته من الضربة ..اوعى تقف ومتخليش للرحمه مكان في قلبك ...اديلو ركبة تحت دقنه ساعتها باه هيقع على ضهره من قوه الضربة ..بعدها اطلع على زاوية الحلبة وارمي نفسك عليه وانت طاير في الهوا زي ما بيعمل المصارعين .. شوف سنوكا بيعمل ازاي واعمل زيه ..طبعا ديناصور نازل على نملة ههههههههههههه
بس خليك فاكر ان الصرصور قادر انه ينقبض ويتلافى اقوى الصدمات وخلي بالك ممكن تنهار ولا تتصاب في نطه زي دي والصرصور ميحصلوش حاجه بس لاء ولا يهمك ..اوعى تستسلم ..واصل واستمر ومترحمش قوم بسرعه ..قربله مره تانيه ارفعه من ضهره وخليه زي ما يكون قاعد بعدين اقعد وراه ومد دراعك اليمين تحت دقنه وخلي ايدك الشمال فوق راسه واضغط عليه بقوة بايدك الاتنين ..الحركه دي اسمها الحركه المنومة ..بعدها الصرصور هيدخل في سابع نومه ومش هيقوم بعدها ..عشان بعدها الحكم يعلن انتهاء المبارة بفوزك وخسارة للصرصور
ومتنساش بعد كدا تشوطه برجلك لحد ما يفوق ويعترف بخسارته ويخرج من بيتك موطي راسه وبيجر اذيال الهزيمة والذل وراه وبكدا انت فزت بدون اي خساير ماديه او بشريه او حشرية
عارفه والله العظيم اني طولت بملل بس حاولت الخص قد ما اقدر يارب تكونو استفدتم بس وعرفتو من الصراصير اللي حكيت عنها
تقبلو تحياتي وآسفه ع الاطاله
المواضيع المتشابهه 
فن التعامل مع الصراصير..!! 
العرض العادي
