صباح الماتشات اللزيزه
من شويه خلص ماتش من احلى الماتشات للبلوز اداء ونتيجه وتفوق فى كل النواحى
الماتش كان جامد جدااا من تشيلسى من بدايه الماتش وكان واضح الجديه ومفتش تلت دقايق وجاب لمبارد الجون الاول من كوره ثابته
ومفتش خمس دقايق بعديها وجاب انيلكا جون ولا احلى فى متابعه لكوره مردوده من المدافعين
واستمر باقى الماتش بنفس الطريقه على نفس الرتم وبنفس طريقه اللعب الجاده من تشيلسى والانهيار للميلان
واستطاع انيلكا يستغل خطأ فادح للحارس الضعيف جدا للميلان وجاب الجون التالت
واخيرا هدفين لانيلكا بضربه راس ولا احلى من عرضيتين للمتالق مالودا
اهم مافى الماتش ظهور بعض لعيبه تشيلسى بمستوى ولااروع وعلى راسهم الهداف والنجم الكبير انيلكا الى احرز اربع اهداف واثبت انه مهاجم بيعمل كل حاجه فى الكوره وانه الاجدر بان يكون اساى الموسم الجاى
مالودا الى عمل ماتش ولااحلى واستغل ضعف زامبروتا ولعب على الطرفين بكل سهوله وعمل اوفارات عالميه
وكمان النجم رايت فيليبس الى عمل جبهه جامده جداا ناحيه اليمين وادى دور هجومى جامد جداا وواضح انه هيبقى فيه منافسه جامده بينه وبين جون كول الموسم الجاى
وكمان كان فيه تالق لمدافعين جدد زى اليكس وايفانوفيتش الى كانو مركزين وثابتين جداا وثبات فى اداء لمبارد وبالاك وعرض كويس من ديكو الى كان واخد الماتش جاد جداا ومركز
سكولارى كان نجم الماتش بصراحه رغم انه ماتش ودى لكنه اشرك لعيبه كتيره جدا بس كانت جامده جداا ووظفهم صح جداا وفى اوقات مظبوطه جداا عكس انشيلوتى الى مكنش مركز نهائيا ونزل لعيبه كتيره جدااا وللاسف كانت بتضعف الفريق
اغرب حاجه فى الماتش انه رغم ضعف حارس الميلان والاخطاء الفادحه الى عملها انشيلوتى اصر على انه يكمل باقى الماتش ومغيروش
اما بيتر تشيك الى كان ثابت جداا فى ادائه ومتاثرش مرماه باى كوره خرج فى الشوط التانى ونزل كوديدشينى البديل
اخيرا التوفيق للبلوز ان شاء الله الموسم الجديد وواضح جداا الشغل الى عامله سكولارى والجمل التكتكيه الجامده جداا
ونص الملعب القوى جداا لشيلسى من لمبارد وبالاك وديكو وايسيان وجون كول والى ان شاء الله يعملو حاجه الموسم ده بقى
وعجبنى اوى رد فعل ابراهيموفيتش رئيس نادى شيلسى كان فرحان اوى وكان بيتفاعل مع كل جون بطريقه جميله اوى
وهاردلك للميلانيستا وان شاء الله بعد عوده الغيابات يقدرو يستعيدو مستواهم مره تانيه وبالتوفيق ليهم
المواضيع المتشابهه 
العرض العادي
